حكيم روحانى حضرتك
اهممممممم عشان تحرمى تاكلى جلاس.. وتدوبى فى قلوب الناس
قعدت فترة افكر فى اسم للمدونة
مالقتش احسن من حكيم روحانى حضرتك
والسبب ببساطة انى بحب الفيلم ده
كمان هو طق فى دماغى زى ماكل حاجة بتطق
وبعدين المدونة والتدوينات هتبقى عاطفية
بتتكلم عن الحب ومشاكل الحب واللى بيجرى فى الحب
كمان هنناقش المشكلات العاطفية اللى بتقابلنا فى الحياة
واللى عنده مشكلة عاطفية ممكن نساعده فى حلها
يمكن ربنا يردهالنا فى المستقبل ان شاء الله
ماهو على راى المثل
باب النجار مخلع
نفضل نحل مشاكل الناس واحنا ايدنا على خدنا مش لاقيين مشاكل عاتفية نحلها لنفسنا
بس انا شخصيا متفاءلة
وربنا مايجيب مشاكل
بس اهه كله توعية لغيرنا اللى خبرتهم قليلة فى الحب
وفى معرفة معادن الناس
ده غير ان الحب بيعمى فلازم احنا نكون نضارة الحبيب على حبيبه
عشان يشوف عيوبه قبل مميزاته
لالالالالالالالالالا
احنا مش هنخرب بيوت
احنا بس هنحاول نحلها
ونجيب درفها
قصدى نجيب الحل على طبق من فضة
والشبكة على طبق من دهب
وربنا يتمم بخير
للتواصل ده ميل المدونة
اللى عنده مشكلة وعايزنا نساعده
او موضوع يهمه اننا نناقشه يبعتلى
Atom Feed (xml)
Falling hearts Here
16 comments:
حلوة الفكرة دي
احنا معاك يا سوسة
:D
فكره تحفه يا تحفه انتي يا جميله بجد حلوه وياريت كلنا نشارك بعض ويمكن يطلع واحد فينا يقدر يحل مشكله التاني
فكرة جميلة اوي يا سوسة ربنا يوفقق
رنا
ميرسى يارنرونتى
ويارب الفكرة تنجح بجد
ايمان
ميرسى يا ايمى ربنا يخليكى
اهم حاجة هنا التعاون
وان شاء الله نخلق روح مناقشة حلوة بينا نقدر نستفيد منها كلنا
عمرو
ميرسى ليك اوى
مبروك ع البلوج الجديد وربنا يجعله فاتحه خير
مبروك يا سوسا على البلوج
الفكره حلوه اوى
وعجبانى بجد
فى ناس كتير فعلا مش عندها خبره او بتحتاج مساعده فى علاقاتها
وبتكون فى امس الحاجه على الاقل للفضفضه
ربنا يوفقك يارب
محبتى
ادم
الله يبارك فيك
مستنية المساعدات الخارجية بقى
ريمو
الله يبارك فيكى يارب
ادعيلى ان المدونة تنجح
ويارب الموضوعات تتعرض بشكل كويس وجديد
عشان انا ناوية على التغيير
فكرة جامدة جدا وانا واثق انها هتنجح .. دة حتى العصفورة قالتلى ان فى كام مشكله كدة فى طريقهم للظهور ..
ربنا معاكى
سلام
فكرة جيدة بس تفتكري حد هيكون عنده الشجاعة أنه يتكلم عن مشاكلة العاطفية
محمد
يارب ثقتك تبقى فى محلها
وايه العصفورة الغلسة دى
هى لازم تفتن عليا
عموما الموضوع الاولانى هينزل خلال دقايق
مستنية الاراء الجامدة
wayfarer
ميرسى ليك
بس فعلا فى ناس اتكلمت
وناس ان شاء الله لسة هتتكلم
وبعدين هنا فى المدونة مش بتكلم باسامى اشخاص نهائيا
زى ماهتشوف فى اول بوست الشخصيات مجهولة الهوية
ده هيبقى سر من اسرارى مهما كان الانسان ده
ازيك يا سارة انا بقرالك من فترة مش قليلة بس لسه بدأت ادون قريب كنت الاول بقرا من غير ما ادون المهم عندي كلام كتير بس مش هينفع ابعت دلوقتى لانى عايز انام والساعة خمسة وعشرة بعد الفجر
على فكرة جامد الاسم بتاع المدونة وعلى فكرة تانى انا معلق فى اول بوست علشان لسه ما قريتش اللى فوق على فكرة كمان " خلاص اخر مرة " انا مع زمايلي بحللهم كل مشاكلهم العاطفية بس ما بعرفش احكي لحد يمكن لأنى عارفهم وواثق انهم مش هيحلوا ولا هيربطوا :D
سي يو لاتر
تحياتى
تشي الحزين
الى صاحبة المدونه المتميزه
تحيه طيبه
دخلنا المدونه بالصدفه
واعجبتنا الفكره
وقلنا لماذا لا ننشرها على اوسع نطاق فى برنامجنا الأذاعى اليومى عدا الجمعه وهو اول برنامج عن النت فى العالم العربى ويذاع على اذاعة مصر الرئيسيه اى البرنامج العام
على موجه اف ام 107 وسته من عشره
وكافة التفاصبل فى موقعنا
http://dear.to/cairo
وللتعليق فى مدونتنا
http://netonradio.blogspot.com
والدهوه موجهه ايضا لزوار مدونتك
وبالتوفيق للجميع
Post a Comment